- 728 -

1448. März 30.

Vnsern vrundlichin grus in dinste zcuuor. Weizen, liebin herren vnd gutin gonnere, wir lossen euch wissen, das Hannos Czedelicz von Alczena der eldiste hewte in eygener person bey vns ist gewest vnd hot vns zcugesagit, das her mit seynen frunde gerne zcu dem bescheyden tag komen wil vnd des mit vnsir gnedigen frawen wartinde syen vor den manne vnd welden noch mit willen mit ir gnaden gescheyden seyn vnd eren gnadin mit den seyen getrewlich dynen, betin wir ewer ersame vorsichtikeyt mit ganczem fleisze, ir wolt hyrzcu ewere getrawe hulffe vnd rath irczeigen, daz is mochte hingelegit werdin, wenne sie jung knechte seyen vnd nemen von tag zcu tage in erem vornemen zcu vnd .... weizer vnd sterker. Hirvmbe gedenket das beste, der lande schaden zcu vormeyden, das wir zcu allir czeyten gerne vordynen. Gegebin am sonobende vor Quasimodogeniti im XLVIIIten jare.
Ratmanne zcum Goltberge.

Mit Rückaufschrift an den liegnitzer Rath.

Orig. Kgl Bibl z. Berl Ms. Boruss. f. 568. No. 100.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866